الدكتور وطالبته حصري للست نور الكاتبه نورا احمد

آدم!
نعم
أنت هتسافر فعلا
أيوة زي مانت عارفة المنحة دي كنت منتظرها من زمان.
ما مشكلتي إني عارفة.
أنت زعلانة
لأ هزعل ليه!
طب عيني في عينك كده
كان بيضحك بس لما عيني جت في عينه شاف فيها دموع محبوسة بينتله فيها اللي مكنتش قادرة أنطقه
مش هتأخر عليك.
وعد
وعد.
بالفعل وعده كان سيف على رقبته ومتأخرش لأنه كان معايا حتى وهو مسافر فمحستش بغربته وإنه بقى فيه بيني وبينه بلاد وأنا طورت من نفسي أكتر وأثبت نفسي في مكاني وتخصصي لحد ما جه يوم المناقشة اللي منتظراه من زمان وأول ما جه زاد خوفي وقلقي.
الورد ده علشانك.
من جدي
افتحي الكارت وهتعرفي بس امضيلي هنا بالاستلام.
بالفعل فتحت الكارت لقيت مكتوب فيه أي يقلقك وأنا معاك مش قولتيلي طول مانت معايا أنا مينفعش أقلق
ابتسمت لما عرفت مين صاحب الورد بس للأسف هو نفسه مش موجود
واللي يقولك آمين
نقوله أحمد وإسماعيل ... آدم!
العيلة اتجمعت حواليه بفرحة وهو كان بيحاول يتخطاهم ويجيلي بس وقت المناقشة بدأ فكلهم قعدوا في أماكنهم وأنا بدأت أجهز اللاب بس فجأة لقيته فصل مفتحش تاني وقلبي وقع في رجليا.
آدم فهم فبحركة سريعة منه طلع فلاشة من جيبه وجري خرج برا جاب لاب معرفش بتاع مين ودخل وصله بالداتا شو وبعدها بصلي ب اطمئنان وإني مقلقش لما كل حاجة رجعت طبيعي ورجع بهدوء لمكانه في الكراسي الأولى في القاعة.
شكرا يا آدم معرفش لولا إنك اتصرفت كان هيحصل أي!
كويس إني مراجع معاك الداتا قبلها بيوم وأنا محتفظ بيها معايا على الفلاشة فخرجت جبت لاب د. أحمد ووصلت عليه.
تفتكر الموقف ده ينقصني في التقييم
في المناقشة كنتي مبدعة وكلامك منظم ومرتب ولجنة التحكيم نفسها والدكاترة كانوا مبسوطين ف أكيد هيراعوا إنها حاجة خارجة عن إرادتك.
بجد والله
أيوة أنا شوفتهم وهم بيبصولك بابتسامة وارتياح.
يارب يارب.
متخافيش بإذن الله ربنا هيكرمك ويوفقك ومش هيضيع تعبك.
نقرر منح الدكتور نور عبد العزيز محمد عبد الحكيم درجة الدكتوراة في اللغويات وذلك عن جدارة واستحقاق لم تم مناقشته أمام اللجنة المختصة مبارك يا دكتورة
الله أكبر مبارك يا دكتورة.
عمي قام مرة واحدة بفرحة ووراه باقي العيلة وزمايلي وصحابي وكله كان بيبارك ويهني وأنا عيني على شخص واحد بس أهديله نجاحي
عارفة أي اللي يزعل
أي
إنك بقيتي دكتورة وهتفضلي تناقشي وتذاكري العمر كله.
عارف أنت اللي يزعل
أي
إن الدنيا دوارة ويوم عندك ويوم عندي.
فأنا من موقعي هذا بقولك نخليه عمر كامل عندي واللي عندي عندك الحكاية واحد.
إزاي
يعني بدل ما تذاكري لوحدك نذاكر سوا وأهو لا تعايرني ولا أعايرك الهم طايلني وطايلك.
وده إزاي
كده
وقام مطلع علبة قطيفة ومن وراه عيلتنا وهم مبسوطين وبيصفروا وجدي قال
لو وافقتي فعمري ما هلاقيلك أحسن من آدم ابن عمك يخاف عليك ويشيلك في عينيه الاتنين ولو هي وافقت فاللي يزعلها هيزعلك مني.
قال آخر جملة بتحذير وآدم بصله وقاله
مقدرش يا جدي وأنت شاهد وعارف ولولاك أنت 
علشان تحقق حلمها وحلم ابني الله يرحمه مكنش ينفع حاجة تشتتها حتى لو عارف إنك هتدعمها بس تبقى وصلت لده كله بمجهودها وتعبها هي.
يعني أنتوا كنتوا متفقين يا جدي
شوفتي بقى صبرت قد أي يلا وافقي.
بس أنت قولتلي إني أختك قبل كده.
أي كلاااام.
ولا حتى إني بنت عمك
تجوزيلي عادي.
ولا إنك بتكرهني
من ورا قلبي وحياتك.
آدم.
قلبه
جدي ضربه على قلبه وقاله
جاك وجع قلبك اظبط حالك البنت لسة موافقتش.
حرام عليك يا جدي وجعته.
لما اتألم أنا اتخضيت عليه وبصيتله بخضة
أنت كويس
هبقى كويس لو وافقتي.
بصيت لجدي ولكل العيلة وبعدهم آدم وقولت
غلبان ومحتاج علاج هاخد ثواب وأداوي جرحه.
الفاتحة يا جماعة.
قال آخر جملة بطريقة كوميدية كانت اتلم على أثرها كل الدكاترة والمشرفين وبدأنا نقرأ الفاتحة سوا لحد ما آدم قال آمين فرديت عليه أنا
أحمد وإسماعيل.
ولادنا إن شاء 
الله.
لا يراجل!
عارفة أي اللي يزعل
أي
إنك مضطرة تسمعي إيفيهاتي العمر الجاي كله.
يا وجع العمر.
طاب العمر بك رفيقا وحبيبا
الست_نور