الدكتور وطالبته حصري للست نور الكاتبه نورا احمد

لما تسكت وقتها فعلا تقلق.
لأ محبة أي يا جدي ده أنا أطيق العمى ولا أطيقه.
وهي دي تعرف تسكت يا جدي دي راديو.
أوقات الست منهم الدنيا بتطفي ضحكتها يابني وحتى الكلام بيبقى مجهود تقيل عليها فاوعى توصل بنت عمك لده ولا حتى تسيبها توصله بسبب غيرك.
عمري ما هسمح ب ده يا جدي.
متمشوش أنت ونور يا آدم عايزكم بعد ما ولاد عمكم يمشوا.
بالفعل دخلنا المكتب ورا جدي وهو قعد على كرسي مكتبه وإحنا قدامه كان صوت عكازه هو المسموع لحد ما جدي قرر يقطعه بكلامه
وصلني اللي حصل عندك يا نور في الكلية.
بصيت ل آدم فهو كمان اتفاجئ ونظرته عرفتني إنه مش هو اللي حكى لجدي
آدم محكاليش يا بنتي أنا عرفت بطريقتي ولا فاكرة إني كبرت وعجزت ومقدرش أعرف أي اللي بيحصل مع أحفادي!
لأ طبعا يا جدي لسمح الله بس أنا مكنتش عايزة أقلقك.
وأنا من أمتى يتخبى عني حاجة تخصكم أمركم يهمني وزي ما عودتكم من زمان إن اللي ليه ضهر ميتضربش على بطنه ولازم الناس كلها تبقى عارفة ده عنكم علشان متستجراش ترفع عينها فيكم.
جدي بيميزني عن باقي ولاد وبنات عمي لأني أنا الوحيدة اللي فيهم اللي شربت من الكأس مرتين مرة لما ماما اتوفت وهي بتولدني ومرة لما بابا كمان سابني وأنا كبيرة في تانية جامعة في عز تعلقي بيه فبالنسبة لعمامي وجدي أنا بنت الغالي أكبر ابن لجدي وروحه كان فيه فلأني من ريحته مبيستحملش عليا الهواء الطاير وعمامي معتبرينني بنتهم وواحدة من عيالهم.
بتعيطي ليه
لأن من يوم وفاة بابا يا جدي.
ابقي قولي ده لما أموت.
بعد الشر عنك يا جدي ده روحي تروح معاك.
آدم جري جابلي ميه ناولهاني وجدي قام من مكانه رفع راسي اللي انحنت وأنا ببكي ومنهارة
طول عمري حاسة إني مينفعش أتقل عليك ولا على أعمامي يا جدي بقيت أتصدر لنفسي في مشاكلي ولو هي موصلتكمش أنا مش بحكي علشان مسببش قلق ليكم.
دماغك زي أبوكي ناشفة يا حبيبتي إحنا مش بنجيب ولادنا عالدنيا وبعدها نرميهم مشاكلكم واجبنا نقف ليكم فيها ونتصدرلكم لو الأمر لزم ده وحمايتكم وحفظكم واجب علينا فمش عايز أسمع كلامك ده تاني.
حاضر يا جدي.
وأنت عملت أي مع المراقبة اللي زعجت بنت عمك
مشينا قانوني يا جدي وفتحت تحقيق في حقها وقدمنا شكوى ولسة اللجنة هتقرر العقاب.
تمام وتابع وقولي حصل أي.
فجأة لقينا الباب بيخبط ودخلت ريم بنت عمي
فيه واحدة جاية هي وجوزها تحت بتقول عايزة نور يا جدي.
واحدة مين
بتقول دكتورة راقبت عليها في الامتحان.
آدم وجدي بصوا لبعض وبصولي ف مسحت دموعي وبصيتلهم ف جدي ابتسم وهز راسه فيما معناه اللي علمتهولك جه وقت توريني تربيتي.
السلام عليكم 
وعليكم السلام ورحمة الله وبركاته 
أهلا وسهلا بحضرتك يا دكتور.
والله عداك العيب إنك بترحبي بينا في بيتك يا بنتي خصوصا بعد اللي عملته معاك مراتي.
إحنا متعودناش نقلل من ضيف جاي لحد بيتنا يا عمو ف أمر الضيافة والترحيب ده واجب علينا ليكم بعيدا عن أي حاجة تانية.
وإحنا جايين ومحقوقين ليك يا بنتي.
حضرتك مغلطتش معايا علشان تبقى محقوق ليا.
أنا اللي غلطت يا حبيبتي وتسرعي كان هيضيع تعبك ومجهودك.
كانت ساكتة من أول القعدة بس بعدها اتكلمت وهي عينيها كلها ندم حقيقي وأسف
أنا معملتش كده لأني أعرفك بالعكس أنا عملته لجهلي بيك ولأني معرفكيش لو أعرفك كنت يمكن فكرت قبل ما أدخل عليك بالطريقة دي وأفصلك عن الامتحان بس أنا كنت بعمل شغلي وبحاول أمنع الغش زيي زي أي حد بيراقب على الطلبة ومش عايز الغشاش يتساوى بالطالب اللي اجتهد.
بس حضرتك مفتشتنيش ولا شوفتي حاجة معايا ومع ذلك  مسمعتنيش.
قولت جملتي وهي خجلت من موقفها ونزلت راسها وسكتت وجوزها كمل
لذلك إحنا جايين يا بنتي نعتذر ونقولك حقك علينا.
أنا آسفة يا حبيبتي أنت زي ولادي وحقك عليا اللي حصل كان غلط مني في حقك تعملي فيا اللي عايزاه.
حصل خير.
يعني مسامحة
جدي علمني العفو عند المقدرة وأنا مسامحة وأتمنى بس حضرتك متكرريش الموضوع ده لا معايا ولا مع غيري غير بدليل.
أكيد يا حبيبتي أكيد.
الدكتورة حضنتني وجدي بصلي بفخر وبعدها قعدوا شوية واتعرفنا كلنا على بعض واتقدملهم ضيافتهم وبعدها استأذنت قومت شوفت آدم كان شاورلي أروح ناحيته.
هتتنازلي
أها.
ده ليه
لأن حقي أنا أخدته وقتي بس موافقتش أسامح علشان مبقاش جبانة أو ضعيفة لكن دلوقتي صاحب الحق عينه قوية ولما وافقت أسامح ف تقديرا للست وجوزها وإنهم مقاوحوش في الغلط وجم اعتذروا فواجبي مردهمش طول مانا أقدر أسامح.
وأنا معاك في اللي تقرريه.
أنت عارف
أحب أعرف منك.
أنا وقتها استقويت بيك يعني جدي قال اللي ليه ضهر ميتضربش على بطنه وأنت كنت ضهري وسندي وقتها وكنت عارفة طالما أنت معايا أنا مينفعش أقلق.
ابتسم وبصلي بصة جميلة عمري ما أقدر أنساها لدرجة إني خجلت ونزلت عيوني في الأرض لما قال
يومها والنهاردة ولآخر العمر هفضل معاك ووراك ومش عايز أسمعك تقولي 
إنك ملكيش ضهر لأني طول مانا عايش عمري ما هسمح لحد يقرب منك مش يفكر يأذيك.
خلصت امتحاناتي ونتيجتي اتأخرت ومظهرتش وده قلقني أكتر لحد ما في يوم كنت بشرب قهوتي وقاعدة في البلكونة في شقة جدي لقيت آدم من تحت بينادي عليا من تحت البيت.
يا نووور.
أي فيه أي
أنت فوق! أنا طالع.
الأسانسير كان فوق منتظرش ينزله فلقيته طالع على السلم جري وبينهج وأنا جريت فتحت باب الشقة وخىجت أشوفه وفي اللحظة دي اتقابلنا عند الباب وأول ما فتحت كان هو طلع آخر سلمة وبينهج ووشه مبسوط وهو بيقول
الأولى يا نور الأولى أربع سنين يعني من النهاردة بقيتي دكتورة نور
نتشت الورقة من أيديه ببص على درجاتي وعلى التراكمي بتاعي وبقيت أتنطط وأصوت من فرحتي وخرج على صوتي أعمامي وعيالهم وكمان جدي فكان الأقرب ليا 
نجحت يا جدي نجحت ورفعت اسمه فوق.
الغالية بنت الغالي كنت واثق إنك هتعمليها.
وقتها بكيت من الفرحة ودموع الفرحة امتزجت بدموع فقد وحزن إنه مش موجود علشان يشاركني فرحتي ويفتخر بيا بس جدي عوضني هو وأعمامي وعملولي ليلة كبيرة احتفالا ببنتهم الدكتورة.