الدكتور وطالبته حصري للست نور الكاتبه نورا احمد

أنا مجنونة وممكن أذيك.
إزاي بقى يا قطة
بالمبرد ده!
ياوجع قص الأضافر.
طب بص الحركة دي.
كان آدم ابن عمي ساند إيديه على الكتب فأخدت السلم اللي وراه ونزلت جري ده اللي ميعرفش يقول عدس واللي يعرف هيقولك إن الجري الجدعنة كلها مش نصها.
أنت ياواد يا قريبي تعالى اشرحلي الحتة دي.
بقى أنا الدكتور آدم على سن ورمح يتقالي يا واد.
معيد مش دكتور عارف دي ولا هتخليني أعيد
عيدي.
عيد سعيد رمضان.
كل سنة وأنت طيبة.
وأنت طيب 
فين الحتة
حتة مين
اللي مش فهماها.
رجولة وتوب الرجولة متفصل على مقاسك.
شالله يكرم أصلك يبنت عمي.
ويخليلك عيالك ياواد عمي.
عيالي! تصدقي أنا غلطان
أي ده أنت اتقمصت
أها أنا مقموص.
اشرب عرق سوس.
غريب أمر الرجالة دول بيتعصبوا بلا سبب أو بسبب عادي بس هم ليه بيتعصبوا اللطيف اللي زيي ده أنا نسمة كده الهواء يهف ويرف وأنا ولا أهش ولا أنش وسامحني يارب حاسبني براحة علشان أنا كدابة.
عارفة أي اللي يزعل
أي
إنك لسة طالبة بتمتحن وامتحانك بكرة.
طب ما الدكتور عنده رسالة ماجستير ودكتوراة وبيمتحن وهيفضل يمتحن لآخر عمره.
عارفة أنت ...
أي
روحي ربنا ياخدك بالراحة.
شالله اللي يكرهني.
كده تدعي عليا.
ياللي منك لله بتكرهني
لأ ميت في دباديبك.
ألف رحمة ونور على دباديبي.
يعني اترحمتي على دباديبك ومترحمتيش عليا.
الدباديب تبعنا أنت مش تبعنا.
ابن البطة السودا ولا أي
لأ أنت ابن بطة ذات نفسها.
وماله يا بنت سعاد.
متربيين عالغالي من وإحنا قد كده وو أدب واحترام وإحنا كافيين شرنا خيرنا وبنمشي يمين واللي يقولك آمين قوله أحمد وإسماعيل وودنك من فين يا جحا!
أنا مش بغش ولا عمري غشيت.
رئيس اللجنة بقى يتصرف معاك.
طب سيبيني أكمل حل عقبال ما ييجي.
قال يعني عارفة تحلي وأنت غشاشة.
أنا مش غشاشة وعيب لما توجهيلي اتهام بدون دليل وأنا لولا إني مش عايزة أضيع الامتحان وأشوشر على زمايلي كان بقى ليا تصرف تاني.
بدأت المراقبة تزعق فيا وجه على صوتها كام دكتور غلطوني وأنا وقفت شبه الكتكوت المبلول ومحستش بنفسي غير وأنا بصرخ وبشوف حلمي بيضيع وهيشيلوني المادة ظلم بسبب افتراءهم عليا لحد ما دخل وسطهم بشدة وحزم اللي كنت منتظراه ييجي وعارفة إنه مش هيتأخر.
أنتوا مش عارفين دي مين دي نور بنت عمي والأولى على دفعتها أربع سنين إزاي بتقولوا عنها غشاشة وبأي حق وأي دليل
عايزين يشيلوني المادة يا آدم عايزين يضيعوا عليا تعبي ومجهودي السنين دي كلها.
متخافيش اهدي اهدي أنا معاك.
في لحظات قليلة جه رئيس اللجنة فض الاشتباك وغلط المراقبة واعتذرلي واعتذر لآدم وقالي أكمل امتحاني وهيدوني وقت زيادة عن الوقت اللي ضيعتهولي المراقبة.
اشربي ميه واهدي.
أنا مش عارفة أمسك القلم وحاسة نسيت كل حاجة أنا متوترة وخايفة.
ششش اشربي وابلعي ريقك واتنفسي وخدي شهيق وزفير.
سمعت كلامه وعملت كده وبعدها بدأ يطمنني بكلامه وخلاني أقول آيات قرآنية وراه وأدعية ف بدأ قلبي يطمن وعقلي بقى أهدى وعاد ليا وعيي وتركيزي.
متمشيش علشان ممكن يوتروني تاني.
هروح بس أعمل حاجة وأنت متخافيش طول مانا موجود آمين
أحمد وإسماعيل.
كده أنا اطمنت عليك.
ضحك وأنا ضحكت من وسط قلقي ورجعتلي بسمتي ومسكت قلمي بسرعة و أخدت ورقة الأسئلة وبدأت أكمل حل وغاب هو عن نظري بس اندماجي في الامتحان مخلانيش أركز غير في الأسئلة وطريقة حلها علشان أخلص عالوقت تماما ومحتاجش وقت زيادة وأسلم ورقتي مع زمايلي.
خدي يا نور يا بنتي امضي.
أمضي على أي
د. آدم اتقدم بشكوى ضد المراقبة اللي ضايقتك ومصر يتجاب حقك.
تمام.
متعودناش في عيلتنا نسيب حقنا واللي يغلط يتحاسب بس كل شيء ب أوانه وبالهداوة كل حاجة تيجي علشان كده كان ممكن أسامح بس جدي علمنا العفو عند المقدرة في أخذ الحق فكان لازم أخليها تتجازى علشان من أمن العقاب أساء الأدب سواء كبير أو صغير محدش كبير على العقاب واللي يغلط يتحاسب وحقي أنا مش مسامحة فيه.
هي أي خلاها تعمل كده
اعترفت قدام اللجنة والدكاترة في مكتب العميد إن فيه حد من زمايلك قالها وبتغش فهي اتصرفت بتسرع وبدون دليل ما ممكن البنت دي هي اللي كانت بتغش وبتبعد العين عنها ف لسة اللجنة هتقرر تعاقبها إزاي.
والبنت دي مين
اللي بتنافسك على الترتيب.
اااه قول كده.
سيبك منها وخلصي آخر مادتين على خير علشان ميأثرش على درجاتك وترتيبك وأنا متابع من بعيد ومش هسمح باللي حصل يتكرر.
شكرا يا آدم لوقوفك جنبي.
أنت أختي يا عبيطة.
أهو محدش عبيط غيرك.
أهو لسانك ده عايز مقص.
ليه هيعمله تدريجة 
ناقر ونقير وزي القط والفار سوا بس بالليل بيجمعنا سقف واحد في بيت جدي إحنا وباقي ولاد وبنات أعمامنا ونتجمع ونسمع حكاوي جدي والعبرة بتاعة كل يوم.
اللي طالع شبهي بحق هو آدم.
لأ يا جدي أنت قمر متقولش كده.
شايف يا جدي طولة لسانها
جدي ضحك و أنا بجري من آدم علشان ميطولنيش
متخافش منها لما تطول لسانها عليك دي محبة يابني خاف