مملكة الغرام والمغرومين للست نور كاملة

ششش متسأليش تعالي معايا ..
بحركة سريعة منه قطف وردة وحطها في شعري وهو بيقول
كده أحلى.
أنت كده معجب بالوردة مش بتحبها.
ضم حواجبه بتساؤل وهو بيشاركني نظراته وهدى من حركة الحصان ف كملت بتوضيح
قاطف الوردة معجب بها أما المحب هو من يسقيها ويراعيها.
شدد على وسطي ب تملك
غلطت لما قطفت وردة بس عمري ما هغلط في أهم وردة بين إيديا وأفكر أضيعها.
ليه بتحبها
لأ هسقيها..
ملاوع والملاوعة مش وحشة بالعكس هتداري مهما تداري مسيرك يا خيال تقع ب لسانك.
نزلني.
انزلي.
هنزل إزاي
جربي.
ولو وقعت
هسندك ياجميل.
يولاا يا زعيم!
ده بجد ولا أنا بحلم
هو فيه حلم بالجمال ده
عندك حق ده أجمل مما كنت أتخيل ...
الشمس غابت والورود اللي في الحقول بدأت تنير عتمة الليل وصوت من بعيد بينشد بكلمات عاشق ولهان ويغني وفجأة الصوت بدأ يعلى أكتر وأكتر ...
واخدني ورايح على فين
لينا رقصة سوا.
مشيت وراه لحد ما عدينا الحقول دي وظهر استيدج واسع محاط بالورود والإضاءات الواسعة لقيته بيبصلي بمغزى وبيمدلي إيده
تسمحيلي
أسمحلك أوي.
تعرفي إني لأول مرة يتسمحلي 
ليه
لأن كان شرطها يكون معايا بنت جميلة ذات قوام ممشوق وعيون ساحرة تسحرني وتجيبني لحد هنا.
ولقيت البنت دي
أول ما شوفتها كان في جنينة بتسقي الزرع وبتغني ليه وكأنها بتسقيه حب وحنية مش مياه أبدا..
رجعت بالذاكرة ليوم ما كنت بسقي الزرع في الكلية في وقت البريك لأن ماليش صحاب أقعد معاهم والوقت يمر وإحنا بنتونس ببعض فأخدت ليا الورد أنيس وصديق.
أنت عارف إنها كانت بتسقيه حب لأنها كانت بتدور على حد تصب عليه الحب صبا بس ملقيتش!
وبعدين
حفظت قلبها لصاحب النصيب.
يا بخت راعي النصيب بقلبها.
يحقلي أسأل
اسألي.
كتبت أي في قلب الوردة
قولتلها يا صديقة الورود لي من النساء وردة قلبها ناصع البياض ك حال قلوبكن انثري بذورك على قلبها لتحن لي فأكن راعي النصيب لها والفائز بقلبها.
فردنا ضهرنا على الأرض سوا في حقل ورود قريب من المسرح بعد ما خلصت ولسة صوت الأغاني واصلنا وإحنا رافعين عيوننا للسماء الواسعة.
سرحانة في أي
مملكة الغرام والمغرومين ك حال كل سكانها تضم فقط العاشقين فقررت أن أبوح بما انتظره مني حينما شاركني سره
تمنيت زوجا أصب عليه الحب صبا ف حفظ الله قلبي لأن الله هو خير حافظ لقلوبنا فما كان منه جل في سماه وعلاه إلا أن استجيب لدعواي ولكن على قدر كرمه وكرمه واسع فتقبل دعوتي مني لأهنأ ب زوج يصب هو الحب علي صبا.
لبسني سلسلة عليها ختم المملكة وفيها نص قلب فاضي بجانب نص القلب التاني اللي فيه صورته.
النص التاني فاضي ليه
القمر اكتمل في اللحظة الموعودة بصي كده للسلسلة تاني.
فجأة صورتي اترسمت في النص الفاضي علشان يختم هو ويقول
جيت المملكة مع بابا وماما وأنا صغير ووافقوا يدخلوني لأني نتاج ثمرة حب خالصة بدون تزييف ولا كذب بس من بعدها لما بقيت شاب مكنش مسموحلي أدخل غير وأنا في إيدي بنت اختارها قلبي.
طب وليه وافقوا يدخلوني وأنا كنت لسة مكتشفتش مشاعري ناحيتك
لأن الحب بذرة اتنثرت بداخلي الأول وحراس المملكة كانوا على علم بإن الحب معدي ومسير قلبك يحن ليا يا جميل.
وفي الحقيقة أنا حنيت.
ضحكنا وكنا خلاص هنرجع لبيتنا بعد يوم جميل لأول مرة أعيش في حياتي يوم ب بالإحساس والجمال ده وكفيل أعيش على ذكراه عمري كله.
يا حارس الحب والمحبين أخرجنا من مملكة الغرام والمغرومين.
هل خرجتي بالحال الذي دخلتي به يا محبوبة
ب إيدي حبيبي وأنا بخرج بحال غير الذي دخلت به
بنبرة حنونة حكيمة كلها حب ودفا قالنا الحارس توصية نخرج بيها من المملكة لعالمنا الحقيقي
أوصيكما ببعضكما خيرا وفي ملحمة الحياة والضغوطات والصراعات لا تنسيا حبكما ف في كل مكان وزمان يمكنكما إيجاد الحب فقط عندما تبحثان عنه واعلموا أن الحب ثوب أبيض لا يدنسه سوى الكراهية
الست_نور